Судлаач оюутан-2024 оюутны эрдэм шинжилгээний хурлын хоёрын даваа амжилттай зохион байгуулагдлаа. Хуралд тэнхимүүдээс шалгарсан 8 илтгэл хэлэлцүүлснээс дараах оюутнууд шагналт байр эзэллээ.

1-р байр Түүх нийгмийн ухааны багшийн  4 ангийн оюутан А.ӨСӨХБАЯР  ‘’Монголчууд ''Эрээн дээс'' цээрлэх учир холбогдлыг тодруулах нь’’  удирдагч багш (доктор)  Д.Одсүрэн Өргөмжлөл, мөнгөн шагнал -400,000₮

2-р байр Солонгос хэлний багшийн  4-р ангийн оюутан С.БУЯНЗАЯА “Солонгос, Монгол хэлний зүйр үгийг харьцуулан судлах нь (12 жилийн амьтны жишээн дээр)’’ удирдагч багш (магистр) Ч.Дүүрэнжаргал Өргөмжлөл, мөнгөн шагнал - 350,000₮

3-р байр Монгол хэл, уран зохиолын багшийн 4-р ангийн оюутан Н.ЭРДЭНЭТУЯА, Э.АЛТАНТУЯА  "Солонгос дахь Монголчуудын сэдэвт түүхэн уран зохиол болон орчин цагийн Монголын уран зохиол дахь Солонгосын сэдэв" удирдагч багш (доктор, профессор С.Энхбаяр) Өргөмжлөл, мөнгөн шагнал - 300,000₮ тус тус шалгарлаа.

Судлаач оюутнуудын судалгаа, шинжилгээний ажлыг дэмжих зорилгоор хоёрдугаар шатанд шалгаран илтгэлээ хэлэлцүүлсэн оролцогч тус бүрийг 100,000 төгрөгөөр урамшууллаа. Мөн шагналт байрт шалгарсан оюутнууд МУБИС-ийн сургалтын журмын дагуу кредитийн тэтгэлэгт хамрагдана.

Оролцсон нийт оюутнууддаа цаашдын судалгааны ажилд улам их амжилт хүсье.

  Бичгийн эрдэм тань дэлгэрч, билиг оюун тань тэгшрэх болтугай.